2 Timothy 3
1ប៉ុន្តែចូរដឹងការនេះចុះថានៅថ្ងៃចុងក្រោយបង្អស់នឹងមានគ្រាលំបាកមកដល់។ 2ដ្បិតនៅគ្រានោះមនុស្សនឹងស្រលាញ់តែខ្លួនឯងស្រលាញ់លុយអំនួតក្អេងក្អាងប្រមាថមើលងាយមិនស្ដាប់បង្គាប់ឪពុកម្ដាយរមិលគុណមិនបរិសុទ្ធ 3គ្មានសេចក្ដីស្រលាញ់គ្មានការសម្រុះសម្រួលនិយាយមូលបង្កាច់មិនចេះទប់ចិត្តសាហាវស្អប់ការល្អ 4មានចិត្តក្បត់ឆាប់ច្រឡោតមានចិត្តធំស្រលាញ់ការសប្បាយជាងស្រលាញ់ព្រះជាម្ចាស់ 5មានឫកពាជាអ្នកគោរពកោតខ្លាចព្រះជាម្ចាស់ប៉ុន្ដែមិនទទួលស្គាល់អំណាចនៃការគោរពបម្រើព្រះជាម្ចាស់ទេ។ ដូច្នេះចូរបែរចេញពីមនុស្សទាំងនោះចុះ 6ដ្បិតពីចំណោមពួកគេទាំងនោះមានអ្នកខ្លះបានលបចូលទៅក្នុងផ្ទះនានាហើយទាក់យកស្រីល្ងង់ខ្លៅដែលមានបាបពោរពេញជាស្រីដែលបណ្ដោយតាមចំណង់តណ្ហាផ្សេងៗ 7ស្ត្រីទាំងនោះរៀនរហូតប៉ុន្តែនៅតែមិនអាចស្គាល់សេចក្ដីពិតបានឡើយ 8គឺដូចដែលយ៉ានេសនិងយ៉ាមប្រេសបានប្រឆាំងនឹងលោកម៉ូសេជាយ៉ាងណាអ្នកទាំងនោះក៏ប្រឆាំងនឹងសេចក្ដីពិតជាយ៉ាងនោះដែរគំនិតរបស់ពួកគេខូចអស់ហើយរីឯជំនឿរបស់ពួកគេគ្មានប្រយោជន៍ឡើយ។ 9ពួកគេទៅមុខទៀតមិនបានឆ្ងាយឡើយដ្បិតមនុស្សទាំងអស់នឹងឃើញសេចក្ដីល្ងង់ខ្លៅរបស់ពួកគេយ៉ាងច្បាស់ដូចជាសេចក្ដីល្ងង់ខ្លៅរបស់យ៉ានេសនិងយ៉ាមប្រេសដែរ។ 10រីឯអ្នកវិញអ្នកបានស្គាល់អំពីសេចក្ដីបង្រៀនរបស់ខ្ញុំកិរិយាប្រព្រឹត្តគោលបំណងជំនឿសេចក្ដីអត់ធ្មត់សេចក្ដីស្រលាញ់ការស៊ូទ្រាំ 11ព្រមទាំងការបៀតបៀននិងការរងទុក្ខលំបាកដែលបានកើតឡើងចំពោះខ្ញុំនៅក្រុងឤន់ទីយ៉ូកក្រុងអ៊ីកូនាមនិងក្រុងលីស្រ្តាគឺខ្ញុំបានស៊ូទ្រាំនឹងការបៀតបៀនយ៉ាងខ្លាំងប៉ុន្ដែព្រះអម្ចាស់បានសង្គ្រោះខ្ញុំពីសេចក្តីទាំងអស់នោះ 12ហើយអស់អ្នកដែលចង់រស់នៅដោយគោរពកោតខ្លាចព្រះជាម្ចាស់ក្នុងព្រះគ្រិស្ដយេស៊ូក៏នឹងត្រូវគេបៀតបៀនដែរ 13រីឯមនុស្សអាក្រក់និងពួកបោកប្រាសវិញនឹងកាន់តែអាក្រក់ទៅៗទាំងបោកបញ្ឆោតគេហើយខ្លួនឯងក៏ចាញ់បោកគេដែរ 14ប៉ុន្តែអ្នកវិញចូរនៅជាប់ក្នុងសេចក្ដីដែលអ្នកបានរៀននិងជឿប្រាកដដោយដឹងថាអ្នកបានរៀនពីអ្នកណា 15ហើយអ្នកបានស្គាល់បទគម្ពីរបរិសុទ្ធតាំងពីតូចដែលអាចនាំឲ្យអ្នកមានប្រាជ្ញាដើម្បីទទួលសេចក្ដីសង្គ្រោះតាមរយៈជំនឿក្នុងព្រះគ្រិស្ដយេស៊ូ 16ដ្បិតគ្រប់ទាំងបទគម្ពីរព្រះជាម្ចាស់បានបណ្ដាលឲ្យសរសេរឡើងហើយមានប្រយោជន៍សម្រាប់ការបង្រៀនការរំឮកឲ្យដឹងខ្លួនការកែតម្រង់និងការអប់រំអំពីសេចក្ដីសុចរិត 17ដើម្បីឲ្យអ្នកសំណប់របស់ព្រះជាម្ចាស់បានគ្រប់លក្ខណ៍ហើយត្រៀមជាស្រេចសម្រាប់ការល្អគ្រប់បែបយ៉ាង។ ដើម្បីឲ្យមនុស្សសំណប់របស់ព្រះជាម្ចាស់បានគ្រប់លក្ខណ៍ហើយបានរៀបចំរួចជាស្រេចដើម្បីធ្វើការល្អគ្រប់យ៉ាង។
Copyright information for
KhmKCB